Қазақстан әлемдік теннистің ең үздік үш мемлекетінің бірі атанды.

Бір мезетте ATP пен WTA рейтингтерінің ТОП 10 тізіміне енген елдердің қатарында Италия мен АҚШ бар. Енді бұл тізімге Елена Рыбакина мен Александр Бубликтің арқасында Қазақстан да қосылды.

Елена Рыбакина әйелдер арасындағы әлемдік рейтингтің үздік бестігінен көрінсе, Александр Бублик ATP турниріндегі табысты өнерінен кейін ТОП 10-ға еніп, ел тарихында маңызды жетістікке қол жеткізді.

Александр Бублик «Australian Open» турнирін сәтті бастады

Сондай-ақ, әлемнің оныншы ракеткасы Александр Бублик, Дженсон Бруксбиді (#48) 2 сағат 7 минутқа созылған ойында 6:4, 6:4, 6:4 есебімен жеңді.

Қазақстандық теннисшінің келесі қарсыласы — мажарстандық Мартон Фучович (#55). Ойын 21 қаңтарға жоспарланған.